无心则功成有心则恶运

无心则功成有心则恶运

 

沾老学究嘅光、得以上广州用实际行动支持亚运、聊尽华人之责以纾发爱国热情。期间入住大酒店食好住好……悉数由老学究出公数……都话唔系出恭数囉！你问老学究系乜水？咪系老而不囉！以后若然有呢啲爱国着数嘢一定预埋你，嘻嘻嘻！

 

有一排都冇（行路）上广州，今匀亲历其境发觉靓咗好多，起码市容整洁干净咗，并且多了灯光、少了废气……仲有条以前出哂名臭嘅“猪江”也大为省镜而水唛唛、和我银包差不多可以一清而见底，得以洗脱“猪江”恶名，确认番系如假包换嘅珠江，哈哈！略为不便系保安过于大阵仗，也难怪，事关恐怖分子无孔不入，太猖獗矣！

 

嗰日晏昼闲来无事、就啱老学究也交完亚运“功课”，我哋俩个闪咗去酒店内之“星巴克”闲聊。“不经不觉到咗感恩节，冇耐又过圣诞矣！”老而……学究开腔叹道，我搭腔冷笑：“感乜叉恩呀，呢个日子系纪念严皮猪恩将仇报、占人地方清洗族群……定个日子嚟庆祝，唔知攞景抑或赠庆！”，老学究瞇着眼睛讲反话：“你冇听过达尔文适者生存不适者淘汰定律咩？乌卒卒就淘汰程式中嘅死剩种，嘿嘿！”，讲到呢度，老学究笑问：“嗱！左又凶右又凶，五黄二黑叠艮宫……咁叉叻、又畀你撞中……”，我反驳：“哟！你铺话法吖，撞喎！少啲脑汁都唔掂呀！”，条友见我有的多扯火于是乎更加得戚：“你打日本牌我出朝鲜章……呢啲政治把戏我都有得出卖啦……”老学究尚末讲完、我已经用手指指住佢打断说话：“你死喇！老而不，你竟然够沙胆说三道四诬篾国家外交政策……信唔信好似保外就医嗰条友咁锁你返去？”，“讲起呢条moke咀、由原告变被告，全世界公认佢运滞，如果佢个名唔系叫赵连海、恐怕仲有排踎，边有咁早放人吖！至于讲到锁我喎，悉听尊便，横掂明年太岁鸡兔冲、文昌又化忌……唔单止文化界、传播界……泛泛多灾多难，就连菅文化嘅官员都好唔掂，系咁唔差在我囉，早啲入去报到好过迟、哈哈！”条友闻后笑住用手指指咗我一指道：“仲有，出年想话西方世界太平，德禽无咎鸡鸭健康……难矣！”

 

说话使我产生无限感触：“2001年辛巳仍在兑金七运中，地属酉金严虎之已经畀阿拉玩残，明年辛卯八运、更加土厚埋铁，佬真唔知点死！”，老学究呷咗啖咖啡接话：“啊！文昌咪债券、合约、甚至银纸……囉，你估佢可以一世横行用货币伤人咩，睇怕明年将有极大报应而折乜堕！”，“举凡大运过咗十年左右、又或者转运十年左右先前运正式完全抹去前运一切。咁啱2011入八运将近十载，今年庚寅、庚金衰到贴地而垂死挣扎”我接着道：“下半年、来岁兔气已进，咁样一嚟、寅木党煞，你话庚辛金劈强木、若然不砍崩刀势系假。”，老学究于是反问道：“你即系暗示明年春天欧美世界将有镬杰挞挞嘢发生？”，我无奈地点点头：“兔岁文昌酉金化忌、唔掂系人都知。

 

至于昌字更显示出双日化忌、日本衰硬亦系计算之内。既然砍崩刀西方有难，惟五黄飞东、东亚绝对唔好得去边，再加上来年二五交加夹东南，哼！将继续要面对楚歌四面，你都咪话唔惊心动魄！试睇下：越南、印度、菲律宾、日本、甚至东盟……等等周边（四九仔）国度、将进一步接受唆摆，系咁对华制造事端而扩大矛盾，处处和作梗将小事化大……。至于北韩系咪好似你条现行反革命分子所讲，发炮撩交打而去牵制，系咪冇后台指使就真不得而知矣！”。

 

呢个时候有位靓女傍住个乌卒卒入嚟、并且向老学究点头打招呼。转过头佢介绍道：“靓女姓陈、系当地记者，乌卒卒却系沙地阿拉伯老编……人家佢唔使索已经大把油矣，哈哈！”，老学究继续说话：“讲开又讲，响无线收费台教阿婆睇通胜嗰条友、教人改名，竟然连笔画都搞错，哈哈！”，我笑着等老学究说下去：“佢话陈字系十二划，蔡字系十五划……笑叉死！”，我叹咗口气答道：“唔奇吖！我为佢执漏已经多到数唔哂矣！哎不学无术……”，老学究仲想接话，忽然部手机却响起，原来有两个“恐怖分子”国籍嘅运动员响厕所出咗事，要老学究即刻去采访。

 

临收笔之际，突然谂起个好有建设性问题，特区若然成功申办亚运，其玄机、结果将是吉是凶？可以不加思索咁答你：“有心栽花花不放、无心插柳柳成荫。亚运亚运、无心则功成有心则恶运，哈哈！”