风水择日天喜星如何添丁

风水择日天喜星如何添丁

 

因为朋友多，仲要大部份入于猪朋狗友类，所以我地成班人无无聊聊就会约埋吹下水。今次有朋友带了一位叫新朋友黎。大家好好倾，讲下讲下已经好似识咗好耐咁，乜都讲一餐，成班猪朋狗友一齐，当然都会讲下“有味”笑话啦。

 

不过后来就严肃起黎，佢话︰“我细佬同老婆一结婚，已经开始想制造宝宝仔，所以结婚咁耐，一直都无用『兔兔』，但唔知点解，到而家都未有宝宝。佢地又睇过医生，验过话果佢地两个身体都无问题。唔知有无乜野方法，可以令佢地容易有宝宝呢？”各猪朋狗友就自由创作，各自发挥下意见，例如用乜野体位、食乜野，点计排卵期……等等。不过佢地都当讲笑咁讲。

 

后来，终于望望我问︰“丫！唔知玄学术数有无办催丁呢？”终于入正题，睇黎，呢位新朋友已经收左风，知道我识风水玄学。

笑笑口望住我问︰“有无方法可以帮到我细佬弟妇佢地呢？”我梗系用最正统既方法答︰“最好睇下屋企风水啦！拣个丁位，催催佢会容易好多。”

 

谂左一谂，笑住讲︰“不过佢地 其实唔多信风水，更加唔肯摆风水用品，所以唔可以直接上去帮佢地睇风水。仲有无其老它方法呢？”

 

我听得出佢怕我叫佢请我睇风水，所以我有唔多高兴，我又唔系睇风水赚钱，如果系要催丁，我都会叫佢请我师傅出马，或者最起码，都要搵我啦！不过，算啦！我都信佛既，当系结缘啦！

以前严峻讲过︰“风水择日，有一粒天喜星系可以旺丁。”当时我答咀︰“既然系咁，如果系天喜星值日果日，夫妻行周公之礼，咪好容易有宝宝囉？”笑住话︰“理论上系o架！不过，如果有风水方位帮就梗系灵好多啦！”

 

既然睇风水呢个最有效方法佢唔想用，今次我又想起天喜星系可以旺丁，所以就教左呢个方法，叫佢教佢细佬打开《通胜》择天喜星果日行房。