风水通胜的百日关

风水通胜的百日关
 
我记得曾经讲过，佢细细个已经成日用《通胜》帮人算命、解梦、讲下风水面相等等，佢仲话朋友都不知听得几开心。我亦记得我细个果阵，见到老人家成日攞本《通胜》出黎睇。
 
师傅话，以前人对《通胜》有好奇心，如果识得攞本《通胜》帮人择下日或者睇下相，人就会以为系好劲。当然只不过系小儿科。而以前人睇《通胜》，其中一样就系睇小儿关煞。
 
以前人生完宝宝，而宝宝成日病的话，佢地好多时都会求下签，或者打开本《通胜》，查一查宝宝有无犯小儿关煞。今日我就讲下小儿关煞 的百日关。
 
《通胜》讲犯百日关既诗文系咁样讲既：百日关──凡正月，寅巳时生人犯此，百日内忌出入门前。
 
根据呢段《通胜》内容讲，无论边一年，总之系农历正月既寅时或者巳时出世，就算系犯左百日关。(按：寅时───早上三时正至早上五时正。巳时───上午九时正至上午十一时正。)
 
化解的方法相当简单，就系忌出入门前。乜野系忌出入门前？
一句话讲晒，就系宝宝系一百日内都唔好出门口，净系响屋企凑。咁想摆满月酒点算呀？改摆百日宴咪得啦﹗